Setenta mozos participen nel Alcuentru Estatal de Participación Xuvenil en Mieres-
L’accesu a la vivienda ye’l principal factor de xeneración de probitú ente los mozos n’España. Asina se constató nel Alcuentru Estatal de Participación Xuvenil qu’acoyó Mieres.
Setenta mozos alcen la voz pa demandar empleos dignos, más places d’arriendu social y la regulación del mercáu de la vivienda, el principal factor d’emprobecimientu.
Denuncien la discriminación p’aportar al Ingresu Mínimu Vital y piden que se supriman les restricciones hasta los 23 años.
La precariedá vital tamién afecta a la so salú mental, quieren que s’aborde dende un contestu estructural y non individual, reforzando por casu los sofitos en centros educativos.
N’España, el 27% de mozos d’ente 16 y 29 años ta en riesgu de probitú o esclusión social.
