La ‘A’ que dio imaxe a RTPA cumple dos décades como símbolu d’identidá. RTPA /
El creador d’esa identidá visual ye Fernando Gutiérrez, unu de los diseñadores gráficos más reconocíos n’Inglaterra y España, con raigaños asturianos. Afita que, 20 años dempués, sigue suxeriendo modernidá, y apertura. www.fernandogutierrez.co.uk
Too empezó cola lletra ‘A’, d’Asturies, y un retu. Con venceyos asturianos, al traviés de so padre, Gutiérrez yá dexara la so marca en Llaboral Centru d’Arte. Equí, axunta tamién chisgos al arte contemporaneu.
Galardonáu como unu de los meyores diseñadores de Reinu Xuníu, ye reconocíu pola imaxe de la Tate Modern, o del Muséu del Prado.
20 años dempués, sigue satisfechu del so trabayu pa RTPA y de les socesives actualizaciones. Un conteníu, en continua actualización.
Fernando Gutiérrez ye un destacáu diseñador gráficu nacíu en Londres en 1963, de padres asturianos y gallegos, reconocíu internacionalmente pol so trabayu n’identidá visual, editorial y señalética. Estudió nel London College of Printing y desenvolvió la so carrera en ciudaes como Londres, Barcelona y Madrid, collaborando con instituciones de primer nivel como’l Muséu del Prado, la Tate Modern, el Design Museum de Londres y el restorán El Bulli.
