https://www.instagram.com/refugiodeurriellu/ «Ende enriba puedes tar un mes ensin ver a naide». Fai más de 30 años que Tomás Fernández se fai cargu del abelugu del Urriellu, nel corazón de los Picos d’Europa. Viajar. El Periódico
La meyor manera qu’esiste para poder esperimentar la maxa d’unu monte – l’atmósfera que se crea cuando los senderistes que van pasar el día yá se fueron, y el mantu de silenciu por fin cai sobre a tierra – ye pasando la nueche nella. Anque hai munchos montes y parques naturales que dexen l’acampada al campu, pudiendo asina dormir sol cielu estrelláu, lo más habitual ye pasar la nueche nun abelugu de monte.
Amás de tar acondicionaos por que los escursionistes puedan folgar lo meyor posible, los abelugos son tamién una escelente manera d’atopase con xente y comparar anécdotes y esperiencies sobro’l nuesu día esquizando’l monte y la redolada.
Nel corazón del Parque Nacional de los Picos d’Europa, a los pies del maxestosu y pimpanu Picu Urriellu, l’abelugu d’Urriellu lleva acoyendo a escursionistes dende la década de 1950. Anguaño, l’abelugu cunta con trés guardes; Tomás Fernández ye’l más veteranu d’ellos, pos fai más de trés décades que s’ocupa de curiar l’abelugu y toos aquellos que pasen por él. Quiciabes ye un trabayu suañáu por munchos, #pero Tomás esplica ensin papes na boca les realidaes de ser guarda d’abelugu.
Un abelugu d’altu monte como nengún otru Como si de Heidi y el so güelu tratárase, viviendo a lo cimero de los Alpes suizos ensin más compañía que la de les sos cabrites, Tomás Fernández pasa la gran mayoría del so tiempu nel abelugu d’Urriellu, asitiáu al pie de la impresionante Naranxo de Bulnes, conocíu tamién como’l Picu Urriellu.
Anque se parte’l tiempu nel abelugu con otros dos guardes, Tomás ye’l que fai más tiempu que s’ocupa de guardar l’abelugu; pa ser esactos, ye dende xineru de 1991 que Tomás desempeña los llabores de guarda d’Urriellu, faciéndolo con anterioridá nel abelugu de Vegarredonda y siendo tamién sociu fundador de la yá sumida compañía de guíes de monte de Cangues d’Onís.
El primer abelugu de la Vega d’Urriellu foi inauguráu’l 5 d’agostu de 1954, coincidiendo col 50º aniversariu de la 1ª esguilada a la Naranxo de Bulnes. Edificáu por cuenta de la Real Sociedá Española d’Alpinismu Peñalara de Madrid, l’abelugu construyose con piedra de la mesma vega y cuntaba con dos llantes. Col pasu de los años, l’edificiu foise quedando pequenu pa la gran arribación d’escursionistes que percanciaben los sos servicios. Asina, el 14 d’ochobre de 1990 inauguróse l’actual abelugu, del cual Tomás curia dende fai 35 años.
La vida nel abelugu De neñu, Tomás Fernández enxamás s’imaxinó un futuru amestáu a la Naranxp de Bulnes, llamáu asina pol tonu que la so piedra adquier cola lluz del atapecer. Entá asina, inesperadamente, la vida llevó-y hasta les cumes a les que de pequenu xubiera cola so madre. “Ellí enriba tou ye virxe, pimpanu…”, comenta Tomás, “el llugar ayúdate a *abstraerte de too, de la realidá d’ende fuera, de les coses fees”. Verdaderamente, cuando nun ye temporada de gran arribación de senderistes, la redolada del abelugu ye de lo más silenciosu y, inclusive, inhóspito.
Anque anguaño l’abelugu cierra pola temporada d’iviernu – por cuenta de que les envernaes apuerten a bien peligrosos y les temperatures baxen hasta los -20ºC –, Tomás recuerda cómo yera pasar esos meses nel abelugu: “Los iviernos, dafechu solo ellí enriba, son una esperiencia única. Si yes capaz d’alloñar tolos mieos y vivir el presente absolutu, la soledá que se vive ellí ye casi adictiva”. Yera tal la soledá que llegó a esperimentar Tomás, que llegó a tar meses ensin ver a nenguna otra persona. “Equí puedes pasar selmanes enteres ensin falar con naide”, confiesa, recordando esi aislamientu y silenciu que vivió mientres tantos iviernos.
El contraste llega col branu, cuando los escursionistes y escaladores que s’averen al abelugu cuntense por miles. “Hai qu’echa-y paciencia y enferronase muncho al poco a poco y a les soluciones exprés”, esplica Tomás, con humor, cuando fala de cómo se vive la temporada veraniega nel abelugu.
L’abelugu y la so redolada El principal oxetivu del abelugu d’Urriellu ye garantizar que la estancia de los montañeros sía lo más cómoda y prestosu posible. Ye por esto que, amás d’habitaciones compartíes y dellos colchones (los cualos cunten col so propiu nórdicu), l’abelugu tamién ufierta almuerzos, comíes y cenes, según bébores fríes y calientes y tou tipu de snacks. Cuenta amás con una zona de taquilles, mapes, llibros de croquis y piadas de les víes d’esguilada, y una radio-socorru.
