Tres d’un llargu períodu d’incubación de daqué más de venti años, por fin el paxarín salió del güevu. 392 páxines, más de 350 fotografíes colos parámetros de tómesles, son munchos años de madrugones, marees, esperes, frio, agua, ilusiones, decepciones y alcuentros con aves que bien poques persones tienen la oportunidá de vivir d’esa manera. Ye en definitiva un trabayu sobre la relación ente’l fotógrafu y les aves, nesti casu, les limícolas.
La observación, la paciencia y sobremanera’l respetu tienen muncho más peso que les mesmes imáxenes que la acompañen. Ye un trabayu onde comparto les esperiencies y emociones que viví al pie d’elles, col deséu de tresmitir al llector una parte de lo que sentí en cada alcuentru, en cada sesión por sableres y pedreros.
Como pue consiguise una copia, pos contactando conmigo por wasap o al traviés del móvil al teléfonu que vos dexo 627312314 o al corréu abelcormoran@gmail.com El preciu pa los que puedo apurrilu en mano ye de 60 € y pa los que tenga qu’unvialos fuera 70 €. Los pagos pa fora de la provincia al traviés de Bizum y pal que nun disponga d’esti tipu de pagu yá lo falamos por priváu. Un saludu