- Berta Piñán: «Abrise a una llingua ye una manera de tener un suañu común». RTPA
La poeta y ex-conseyera de Cultura del Gobiernu del Principáu, Berta Piñán, foi homenaxada esti vienres nel Día de les Lletres Asturianes al recibir el IV Premiu Nacional de Lliteratura Asturiana nuna ceremonia celebrada nel Teatru Campoamor d’Uviéu.
Nel actu institucional del 47 Día de Les Lletres Asturianes, que cuntó cola presencia del presidente del Principáu, Adrián Barbón, Piñán recibió esti galardón “enllena d’arguyu” y solliñó que «abrise a una llingua ye una manera de tener un suañu común».
«Defender los derechos de la llingua y escribir n’asturianu nun ye un méritu o un sacrificiu, ye un actu de coherencia cola manera na qu’entiendo la xusticia, la cultura y el gozu de crear. Ye un cantu a la posibilidá d’entendenos», apuntó Piñán.
El presidente de l’Academia de la Llingua Asturiana, Xosé Antón González Riaño, destacó que Piñán ye una «grandísima escritora n’asturianu» y tien un «compromisu irrenunciable» con esta llingua.
Na so intervención, señaló qu’hai una mayoría «histórica» de la cámara que ye favoratible a una reforma del Estatutu d’Autonomía que recueya la oficialidá del asturianu y del gallego-asturianu, anque nun ye abondo p’algamar los tres quintos de los miembros del parllamentu que se necesiten.
