La Comisión Europea presentó güei la so propuesta de Llei d’Equidá Dixital pa reforzar la protección de los consumidores n’Internet y combatir práctiques comerciales deslleales. La iniciativa plantega prohibir patrones de diseñu remanadores, esixir precios tresparentes, llindar la publicidá personalizada dirixida a menores y facilitar la cancelación de suscripciones. Tamién busca controlar les práctiques de los influencers y les funciones adictives de les plataformes.
Amás, Bruxeles quier dar a la Comisión Europea competencies pa investigar directamente les infracciones más graves y imponer multes d’hasta’l 6% de la facturación añal mundial a les empreses infractoras. L’oxetivu: llograr mercaos dixitales más xustos y seguros, con un aforru potencial d’hasta 13.700 millones d’euros añales pa los consumidores europeos. Más info:
