Ente xueves y el vienres la dana va dir moviéndose escontra’l norte amodo, buscando de dalguna manera volver a casa: al remexu polar. Esi movimientu va dir modificando’l fluxu de vientos reinante, pasando del sur al oeste, cuando s’integre la depresión nel ‘jet stream’, y dempués al norte y nordés. Los acumulaos más significativos prevense ente l’interior gallegu y la metá occidental d’Asturies, onde pueden cayer más de 30 l/m² en bien poques hores
El xueves la baxada de temperatures va ser muncho más estensa y notable, casi toa España va notase, con un refrescamientu d’hasta 10 ºC na comunidá gallega, oeste de Castiella y Llión, de Castiella-La Mancha, Estremadura ya interior d’Andalucía.
