- Alborecemos col cielu empuercáu de nubes altes ya con unes temperatures que tan alrodiu de los 19ºC, rexistrándose nel puirtu Payares 17,6ºC.
- Güei vamos tener dalgún intervalu de nubes altes que malpenes velará’l sol. Pela tarde surdirán delles nubes de desendolque vertical pero sin ninguna consecuencia con unes temperatures en descensu anque entovía rondaremos nel interior asturianu los 30ºC de másima.
- Mañana vienres vamos tener nubosidá estratificada qu’a primeres hores pue dexanos dalgo d’orpín na metá norte d’Asturies, tando más escampláu na cordelera y fastera surocidental, abriéndose dellos claros o abancios nes hores centrales del día nel restu. Les temperatures másimes en descensu moderáu que mos dexará un ambiente muncho más afayaizu.
- El sábadu la estratada va ser munchu más espesa y mos dexará orpín pela mañana, sicasí como ye vezu nestes ocasiones llibrarase la fastera surocidental y cordelera onde’l cielu va tar poco nuboso con unes temperatures que siguen en descensu con másimes que malpenes sobrepasarán los 20ºC.
- El domingu paez que van abrise dellos claros o abancios a lu llargu la mañana con unes temperatures que tienden a recuperase dalgo.
