L’órganu de Valdediós fai sonar los sos trés sieglos d’hestoria n’una clase bien especial abierta al públicu, na que foi posible afayar los secretos d’esti preséu del Barrocu. Ye la pieza barroca d’esti tipu más grande d’Asturies/ Ver / #música #barroco #cultura #arte #Valdediós #Villaviciosa #Asturias #TPA_CR
Valdediós abre les puertes del órganu con una audición didáctica inédita. RTPA
Una trentena de privilexaos pudieron conocer de primer mano los secretos del órganu de Valdediós de 1713. La organista García Lastra, esplicó-yos el so funcionamientu y la importancia de los rexistros, asina como la de saber adaptase a cada instrumentu porque caún tien los sos matices apunta esta organista y directora del XV Ciclu d’Órganu de Valdediós.
Tocalu supón un procesu creativu. Na audición amestó les esplicaciones con demostraciones que sorprendieron a toos aseguren María Antonia Zorzo, asturiana viviendo en Cataluña; y Jesús Matesanz, vecín de Villaviciosa, natural de Madrid.
La decimoquinta edición del Ciclu d’Órganu, yá en marcha, pon el focu nes muyeres y homenaxará a Montserrat Torrent, la decana del instrumentu n’España.
Música de cámara barroca y romántica, avemaríes y propuestes internacionales siguirán nos tres vienres vinientes con entraes escosaes.
L’órganu de Santa María de Valdediós, en Puelles, Villaviciosa foi construyíu en 1713 pol organero Alejandro Brache, n’una disposición clásica del órganu barrocu ibéricu, consola de ventana con un tecláu de 45 notes con octava curtia y rexistros partíos en do#3, cuenta con 877 tubos.
De tresmisión mecánica, con dos rodilleras para Clarín (izq.) y Corneta (der.), con 8 pises para les Contras. Allugáu nel llau de la Epístola, sobro una tribuna que conecta col coru altu.
La so caxa d’estilu barrocu en madera de castañal, policromada y dorada, obra del escultor Antonio de Borja, afatada con ánxeles músicos y cabeces d’ánxeles soplando clarines.
Ye Bien d’Interés Cultural dende 2017 (BIC) y nun se topa nin tanto nel olvidu: cobra especial protagonismu cada añu gracies al ciclu de conciertos qu’entama la Fundación José Cardín Fernández.
Restauráu en 1985 por G. Grenzing, cuenta con elementos de madera pintada y dorada. «Presenta una disposición clásica, mesma de los órganos barrocos del sieglu XVIII. La caxa ye tamién de factura escelente , tantu na mazonería y celosía como na decoración escultórica, con cabeces d’ánxeles soplando los caños horizontales.
En 1985, foi restauráu pol taller de Gerhard Grenzing y atópase en bones condiciones. Utilízase para conciertos de nivel internacional pel branu», señala la ficha de Patrimoniu qu’acompañó’l procesu para ser declaráu Bien d’Interés Cultural al pie de otros diez órganos históricos d’Asturies.
Anque l’antigüedá de la pieza ye notable, atópase nel interior de la ilesia de Santa María, de la mesma parte del conxuntu monumental de Valdediós, con munchos sieglos d’hestoria.
Alfonso III ordenó edificar nel so senectud, allá pol 875, un conxuntu palatín, «del que tan solo se caltien la ilesia dedicada al Salvador, ‘El Conventín'» y fízose por que esti fora’l so llugar de retiru dempués de la conxura para deponelo de los sos trés fíos García, Ordoño y Fruela, escontra l’añu 909.
El monesteriu cisterciense dedicáu a Santa María impulsóse trés sieglos más tarde por otru rei, Alfonso IX, y la so esposa Berenguela. En 1200 los monarques cediérenlu a los monxos de Cister.
