La Xeneración Z ta perdiendo la capacidá de lleer y entender testos complexos. Los docentes reporten que los sos alumnos son incapaces de cumplir coles llistes de llectures básiques, y recurren a la intelixencia artificial por que-yos faiga resumes, perdiéndose tolos matices. Videu: Al lleer…
L’abandonu de los llibros y l’esposición masiva a pantalles crearon un cóctel esplosivu. El neurocientíficu Michel Desmurget alvierte qu’el 21% de los mozos franceses de 16 a 25 años tien dificultaes para lleer, y un 10% ye analfabetu funcional. Los datos de pruebes de nivel n’EE.XX. confirmen que los escolares d’agora tienen un nivel peor qu’el de la década anterior.
Pero’l dañu nun ye solu cognitivu. Los espertos alverten que la perda del vezu de llectura ta teniendo un impactu devastador na salú mental. Lleer meyora la empatía y la capacidá d’entender a los demás. Perder el vezu lleva, potencialmente, a una vida más solitaria y aisllada. «La polarización, l’ansiedá, la soledá, asoceden cuando nun tienes una sociedá que llee xunta», sentencia una esperta.
