Publicado en Revistes, Yes Asturies

¿Dibuxar la realidá qu’imaxinamos?

The Asturianer, un proyectu artísticu y editorial que naz inspiráu na mítica revista The New Yorker, pero colos pies y el corazón puestos na nuesa comunidá. 📚 El so propósitu ye tan senciellu como ambiciosu: usar el dibuxu —la forma más primitiva de comunicación humana— como una ferramienta de comunicación, reflexón y divulgación para construyir, ente munches miraes, un gran caleidoscopiu visual de Asturies.💙

Equí la imaxe nun afata’l testu. El dibuxu manda y articula la hestoria, mientres la lliteratura entrapara acompaña, completa y multiplica la so capacidá narrativa. Incorporada de manera natural al discursu cultural y artístico, la llingua asturiana entabla un diálogu cola castellana, pa falar de la Asturies contemporanea.

Cada portada interpreta un cachu de lo que somos dende la perspectiva poliédrica y plural de distintos ilustradores y ilustradoras: el nuesu patrimoniu, territoriu, paisaxe, memoria, costumes y conflictos. Un arquivu gráficu vivu que demuestra la riqueza cultural que tenemos y que se sostien gracies al talentu y l’amor al arte de quien collaboren nél.

Los sos impulsores integren l’equipu d’ilustración Viento del Norte 🌬️, que lleven dibuxando Asturies dende 2010.

L’oxetivu final ye treslladar tou esti percorríu a una esposición y una publicación editorial que caltenga esti patrimoniu contemporaneu. ¡El to sofitu ye fundamental pa consiguilo!

Si sofites la cultura local 💛 Yes Asturies
Si aprecies a quien nos faen sentir y cavilgar coles sos creaciones y defendes el so trabayu💛 Yes Asturies
Si sigues y compartes les portaes de The Asturianer💛 Yes Asturies

Autor:

Maestra de Llingua Asturiana Colexu Carmen Ruiz-Tilve - Uviéu