Santiso d’Abres enllénase de música tradicional con una nueva edición de Folkonexión. Mediu centenar de mozos de distintes comunidaes y países participen nel cursu internacional de folk.
Entama en Santiso d’Abres una nueva edición de Folkonexión, un cursu internacional de folk que toa esta selmana va axuntar a estudiantes de dellos llugares, dellos internacionales, coles mires de contribuyir a espublizar los distintos aspectos de la música tradicional.
Les mañanes empiecen caleciendo les voces, exercitando los cuerpos pa facer frente a distintes clases y talleres musicales.
Ye parte de Folkonexión, un cursu internacional nel que participen mediu centenar d’estudiantes d’ente 8 y venti años y de distintes comunidaes autónomes, tamién d’otros países, Estaos Xuníos, Suecia o Alemaña.
Un equipu docente encárgase de la formación de los alumnos en distintes disciplines como vigulín, guitarra, pianu o de cantu.
Un campamentu musical con un distintos oxetivos. El formativu, ta claro, el de dar puxu a la música tradicional y conocer les peculiaridaes de cada territoriu, pero tamién el d’establecer venceyos personales en redolaes rurales como esta.
Asina va clausurase la undécima edición y va empezar a preparase yá la del próximu añu.
