Publicado en Cuerpu Humanu, Día de...

Día Mundial de la Retina

Del enfoque ocular a la señal visual. La visión empieza cuando la córnea y el cristalín esvien la lluz para proxectala con precisión sobro la retina. La córnea apurre gran parte del poder refractivu del güeyu, ente que’l cristalín modifica la so forma mientres la acomodación para caltener nítidos los oxetos asitiaos a distintes distancies. #WorldSightDay 

Na retina, los fotorreceptores converten la enerxía lluminosa en cambeos eléctricos por aciu la fototransducción; dempués, los circuitos retinianos procesen esa información antes de tresferila a les célules ganglionares. Los axones d’estes célules formen el nerviu ópticu, que conduz les señales escontra centros cerebrales onde la información visual sigue integrándose.

Con motivu del Día Mundial de la Retina, va allumase’l teatru Campoamor en colores azul y verde tardar-nueche del 27 de setiembre. retinafarpe.org /Campaña #LucesQueInspiran #DíaDeLaRetina

 

Una fecha para cavilgar sobro los llogros alcanzaos, los retos qu’entá nos esperen y l’importancia de siguir construyendo xuntos el futuru de la nuesa especialidá.

 

Autor:

Maestra de Llingua Asturiana Colexu Carmen Ruiz-Tilve - Uviéu