Publicado en Aniversariu, Astronomía

1957: Laika llega al espaciu

La Unión Soviética punxo n’órbita la sonda Sputnik 2 el 3 de payares de 1957. A bordu viaxaba Laika, una perra caleyera recoyida en Moscú que se convirtió nel primera animal unviáu a la órbita terrestre. El llanzamientu ocurrió apenes un mes dempués del Sputnik 1 y intensificó la competencia tecnolóxica de la Guerra Fría.

La misión demostró qu’un ser vivu podía sobrevivir al llanzamientu y a la ingravidez inicial, pero nun taba diseñada pa un regresu: Laika morrió poques hores dempués del despegue por sobrecalentamientu, asociada a falles nel control térmicu de la cápsula.

L’episodiu impulsó’l desenvolvimientu posterior de sistemes de soporte vital, reentrada atmosférica y recuperación de naves tripulaes. Laika tresformóse nún de los símbolos más reconocíos de la carrera espacial y nun casu central nos alderiques sobre l’usu d’animales na investigación científica.

Autor:

Maestra de Llingua Asturiana Colexu Carmen Ruiz-Tilve - Uviéu