Publicado en Esposiciones, Fotografía

El Niemeyer axunta a los grandes nomes de la fotografía española

El Niemeyer axunta a los grandes nomes de la fotografía española.

Más de 100 imáxenes de 38 artistes percuerren la evolución de la fotografía nacional. El gran viaxe de la fotografía española abre la so xira nacional nel Niemeyer d’Avilés. «Ye un diálogu ente los meyores fotógrafos contemporaneos del nuesu país», asegura Mónica Carabias, comisaria de l’amuesa. El Comercio

Equí vemos la so manera de mirar el mundu, el so allugamientu, imáxenes emblemátiques como esta de Masats.

Pero más allá de los nomes, y eso qu’equí hai 32 Premios nacionales de la fotografía, lo relevante ye’l diálogu ente les obres, esplica Mónica Carabias, directora del Centru Nacional de Fotografía.

Una amuesa articulada alredor de 5 exes como la ficción de Chema Madoz o la construcción de la identidá nun paisaxe de Ballester.

Tamién la violencia como la de la serie de Gervasio Sánchez «Vidas Minadas».

Ye la primer vegada que s’amuesa la colección del Centru Nacional de Fotografía.

Son semeyes orixinales, nos formatos como les concibieron los sos autores.

Un percorríu polos nomes, llinguaxes y tendencias de la fotografía nel nuestru país.

Les meyores firmes de la fotografía contemporanea española yá s’atopen espuestes nel Centru Niemeyer, dientro d’una histórica amuesa titulada ‘Constelaciones Fotográfiques. Pensar dende les imaxes’. La so comisaria, Mónica Carabias, directora del Centru Nacional de Fotografía, foi la encargada d’inaugurar una esposición que se va caltener abierta hasta’l 31 de xineru.

«Ye una colección abierta, viva en procesu de la nuesa fotografía española contemporanea, onde más allá de posibles cánones o d’hestories llineales, estétiques… pretendemos poner en diálogu a les distintes obres, a los distintos autores, nun diálogu intergeneracional», esplicó la doctora n’Hestoria del Arte Contemporaneo madrilana.

En cuanto al títulu, la idea foi arrexuntar les fotografíes «en cinco constelaciones», pos nos dexa xenerar diálogos y apellar directamente al espectador y al públicu». N’ese sentíu, los cinco exes son «L’habitar, el territoriu representáu, la memoria espandida, violencia y ficción», daqué que «nun ye nuevu nin innovador, pero que ye la meyor manera de representar lo que buscamos».

L’amuesa axunta obres de tolos Premios Nacionales de Fotografía, lo mesmo que de el Premiu Velázquez d’Artes Plástiques, Marisa González, y de delles de les voces más destacaes de les nueves xeneraciones, como Yolanda del Amu, Paula Alce, Mar Sáez, Jorge Yeregui y Jon Cazenave, configurando un panorama plural de la creación fotográfica española. Les entraes tienen un preciu de 4 euros y, tres Avilés, la esposición va dise para Salamanca.

Autor:

Maestra de Llingua Asturiana Colexu Carmen Ruiz-Tilve - Uviéu