Autora: MARTA VILA / Testu: HIMNO HOMÉRICOS
Mayu empieza col Día del Trabayu,
y queremos celebralo poniendo’l focu naquello
que mientres sieglos sostuvo les nueses vides: los oficios.
Nun mundu aceleráu, onde la rentabilidá y la inmediatez
marquen el ritmu, munchos saberes quedaron
en cantu de la desapaición: Ferreros, canteros, xastres, alfareros…
manos espertes que daben forma a lo necesario
güei vense movíes polo rápido, lo barato y lo *desechable.
Pero daqué ta camudando.
Cada vez más persones sienten la necesidá de frenar,
de reconectar colo esencial, de volver crear ensin prieses.
De valorar lo fecho con tiempu, con cuidu, con intención.
Esta ilustración naz como un homenaxe a l’artesanía asturiano,
a la nuesa cultura, pero tamién como una reivindicación más amplia:
la de lo lento, lo humano, lo auténtico.
Reivindicamos los oxetos que s’usen y cúriense,
que se reparen y acompañen.
Frente a la cultura del usar y tirar,
frente a producir en masa ensin conciencia,
apostamos polo que tien hestoria, polo que tien alma.
L’artesanía non solo crea coses belles: crea comunidá.
Fala d’intercambiu, d’aprendizaxe compartíu, de venceyos que sostienen.
Ye memoria viva.
Güei, cuando volvemos enllenar talleres de cerámica,
cuando buscamos nes manos una forma d’aselar el ruiu,
quiciabes tamos recordando daqué que nunca tuvimos d’escaecer.
La nuesa artesanía ta perdiéndose. Dicen que “nun compensa”.
Pero quiciabes nunca foi tan necesaria.
Aprendamos de quien nos precedieron.
Ameyoremos lo que faiga falta, sí, pero ensin perder aquello que yá sabíen:
que faer les coses bien, con tiempu y con corazón, siempres merez la pena.
- Marta Vila @martaviladesign ye arquitecta y ilustradora y compaxina el so trabayu nel campu de l’arquitectura con proyectos d’ilustración para revistes, encargos y obra personal. Vivió una llarga etapa de la so vida en Roma, ciudá que-y influyó nel interés y na mirada cola qu’agora representa ilusionada fragmentos de la cultura asturiana.
@theasturianer
#covermagazine
@artesaniadeasturias
#ilustradorasasturianas
#ceramicaasturiana
