«Amigu» Xosé Bolado

Xosé Bolado, profesor, poeta y académicu, persona candial y críticu atentu que s’ocupó con arrogancia y aciertu de toles corrientes poétiques n’asturianu de les últimes décades. Queremos recordalu con un poema del so llibru de 2006, «Na estación de los relevos» (Llibros del Pexe):
AMIGU
Nada,
ente mi ya esta voz
que siento al escribir:
«amigu».
Cinco soplos gráficos
nunca nun pudieren ser remate
d’una vida nin señal
de lo qu’otros conocieren de ti.
Nada que t’identifique nos espacios
por más qu’escriba la memoria
–sólo lo que deprendí de ti
malgasto na llábana del tiempu:
d’aquel amor tuyu al atardecer,
de la so inocencia
al mirar los estorninos negros,
sobre les palmeres altes,
cuasi vencíes d’escuridá…
de cómo sobrellevabes avientu
na raya esencial de la mano–.
Namás, nin hubo llueu otra señal
que diere cuerpu a quien esto escribe,
yá pa siempre nel puntu final,
o na lletra mayúscula,
de la orfandá ya del silenciu.
(La foto qu’acompaña esta nota ye d’Olaya Pazos,