Dende güei y hasta’l domingu Morea va convertise na capital de la música tradicional asturiana col FolkAyer · Alcuentru Folclóricu n’Ayer, eventu qu’esti añu celebra la so edición más llarga
Nél, la cultura de la gaita va ser la protagonista coles actuaciones d’Hevia, Rubén Alba; la presentación del discu ‘Aire na rampla’ de la Banda Gaites El Gumial; l’Alcuentru de Bandes de Gaites nel que participen la Banda de Gaitas La Tarabica, Banda Gaites Saxum, Banda Gaites Fonte Fuécara, Xurbeo y Grupu Etnográficu L’Oriente – Llacín; charres y esposiciones al rodiu l’instrumentu; ente otres munches actividaes. Musicasturiana.com
Dende güei y hasta’l domingu Morea va convertise na capital de la música tradicional asturiana col FolkAyer. XI Alcuentru Folclóricu n’Ayer, eventu qu’esti añu celebra la so edición más llarga. Nél, la cultura de la gaita va ser la protagonista coles actuaciones d’Hevia, Rubén Alba; la presentación del discu Aire na rampla de la Banda Gaites El Gumial; l’Alcuentru de Bandes de Gaites; charres y esposiciones al rodiu l’instrumentu; ente otres munches actividaes.
La programación entama’l llunes 22 de xunu cola inauguración oficial a les 13h y una esposición dedicada al presente y al pasáu de la gaita n’Ayer. La xornada complétase a les 17h con una charra sobre la construcción tradicional de gaites, na que participen miembros de la familia d’Agapito Pombo, facedor de gaites artesanales del sieglu pasáu, y el mayestru gaiteru y constructor Toni Caborana.
El martes 23 va proyectase nel Centru Cultural de Morea’l documental «Y agora que lo bailen los rapacinos. Lo llixero n’Asturies» de l’Andecha Folclor d’Uviéu, siguíu d’una Tarde en Danza y de la celebración de la Foguera de San Xuan nel Campu la Ilesia. Les actividaes van siguir el miércoles 24 a les 18h con un alcuentru interxeneracional nes residencies de mayores d’Ayer y a les 20h col Festival Fin de Cursu de la Escuela de Música Tradicional El Gumial. Pal xueves 25 a les 18h hai cantares de Cantares de Chigre y animación musical.
Conciertos el fin de selmana
El vienres 26 a les 12h va haber animación musical pelos chigres de Morea y a les 17h abre’l Mercáu Tradicional. A les once la nueche va ser la presentación d’Aire na rampla, el primer discu de la Banda Gaites El Gumial, organizadora d’esti eventu, al que va siguir un conciertu de y de la gaitera, vigulinera y compositora escocesa Malin Lewis. Pal sábadu 27 el mercáu abre a les 11h y la Bandina Los Trimendos va animar l’eventu dende les 13h. Yá pela tarde ye’l XI Alcuentru de Bandes de Gaites nel que participen les bandes de gaites La Tarabica (Guadarrama, Madrid), Saxum (Xixón), Fonte Fuécara (Llanera) y Xurbeo (Ayer), amás del Grupu Etnográficu L’Oriente.
Pa la nueche del sábadu, dos de los gaiteros más pernomaos de la música asturiana van xubir al escenariu dende les 23h: Hevia y Rubén Alba; dambos acompañaos poles sos bandes. El festival remata’l domingu 28 con una exhibición d’Entibadores del Cuadal, la tradicional Espicha FolkAyer y el conciertu fin de festival col grupu mierense Claxon Boys. Con esta edición la Banda Gaites El Gumial da un pasu más
