Publicado en Ponga, Rede Natura d'Asturies

El Principáu invierte en caltenimientu y meyores del Parque N. de Ponga

El Principáu invierte casi 1,7 millones en caltenimientu y meyores del Parque Natural de Ponga. La Voz

La inversión permtió financiar actuaciones en infrastructuras locales, restauración ambiental y sofitu a l’actividá ganadera nel espaciu protexíu

El Gobiernu d’Asturies invirtió casi 1,7 millones l’añu pasáu pa impulsar el caltenimientu ambiental y la meyora de les infraestructures locales, asina como pa sofitar l’actividá nel Parque Natural de Ponga.

Ente les intervenciones desenvueltes figuren la construcción d’un aparcamientu públicu en Sobrefoz, la meyora del recintu ferial de San Juan de Beleñu, la restauración ambiental de la llaguna de Dobros y la recuperación de puntos d’agua utilizaos poles ganaderíes.

A estes intervenciones súmense los trabayos de caltenimientu de caminos, siendes y otres infraestructures que faciliten la vida cotidiana de la población local y favorecen les condiciones de visita al espaciu protexíu. L’informe presentáu sorraya’l respaldu a la ganadería estensiva per aciu les ayudes de la Política Agraria Común (PAC), les compensaciones de la Rede Natura 2000 y les subvenciones empobinaes a zones de monte.

Nel ámbitu del usu públicu, el Centru d’interpretación del Parque Natural de Ponga contabilizó más de 5.000 visitantes a lo llargo del añu 2025. Igualmente, les danzaderes de tresporte públicu a la reserva de la biosfera rexistraron una medría nel númberu d’usuarios.

Autor:

Maestra de Llingua Asturiana Colexu Carmen Ruiz-Tilve - Uviéu