La Sociedá Protectora de La Balesquida busca socios, sobre manera ente la xente nuevo. La entidá cunta con 3.700 simpatizantes y ta yá somorguiada nos preparativos del próximu Martes de Campu, que va cuntar cola visita de descendientes d’asturianos en Panamá y d’estudiantes de Tennessee.
Un total de 142 altes de socios tuvo la Sociedá Protectora de La Balesquida dende va un añu. 48 no que llevamos de 2026. Les baxes, la mayoría por fallecimientos, superaron tamién el centenar. Lo qu’asitia la cifra de simpatizantes en 3.700, cerca del oxetivu de los 4.000.
José Antonio Alonso, presidente de la Sociedá Protectora de la Balesquida, asegura que’l verdaderu retu ye atraer más xente nuevo a la sociedá.
La so fecha más destacada, el Martes de Campu, llega anguaño con novedaes: la visita de 35 ciudadanos de Panamá con raigaños n’Uviéu y la d’un grupu d’estudiantes americanos.
El paséu d’El Bombé va ser l’escenariu de tolos actos: la comida popular, los xuegos infantiles y les actuaciones musicales nel quioscu la música.
