La Conseyería de Cultura, Política Llingüística y Deporte presentó la segunda edición de San Xurde, cola que’l Principáu conmemora’l Día Internacional del Llibru’l 23 d’abril. La iniciativa, nacida l’añu pasáu, busca consolidase como una tradición cultural propia.
San Xurde une’l regalu de llibros con un productu gastronómicu creáu pa la ocasión: la Rosca de San Xurde. La propuesta cuenta col impulsu de la conseyería y el Gremiu d’Editores d’Asturies, col apoyu del sector cultural y comercial.
La edición de 2025 demostró la so capacidá de conexón cola ciudadanía y la implicación del sector editorial y artesanal. La Rosca de San Xurde repite como emblema en dos versiones: una salada, con pan escamao y chorizu, y otra dulce, tipu brioche, con nuez y “escames de cuélebre”.
La iniciativa reivindica la llectura como derechu cultural nuna xornada que convida a la ciudadanía a regalar llibros y compartir cultura, nuna celebración qu’axunta pallabres, tradición y territoriu.Más información 
https://actualidad.asturias.es/-/sanxurde1404
https://actualidad.asturias.es/-/sanxurde1404