✈️Dende güei l’Aeropuertu d’Asturies va cuntar con una nueva conexón directa ente Asturies y Valencia de la mano de Wizz Air. Cinco frecuencies selmanales con una ufierta de 2.390 places. 📆 5 frecuencies selmanales los llunes, miércoles, xueves, vienres y domingos. El Comercio
🛫La operativa súmase a la conexón que yá vien ufiertando Volotea cola capital valenciana. En total Asturies va disponer de 12 frecuencies a la selmana con casi 5.000 asientos disponibles pa movese a Valencia.
L’aerollínea húngara de baxu costu, que s’enllantó n’Asturies el pasáu día 22 cola so conexón a Luton, estrenó güei la valenciana y el miércoles fadrálu cola madrilana.
Una conexón cola que la ‘low-cost’ húngara entra en competición directa con Volotea, la única operadora d’esa ruta, pa la que cunta con sofitu del Principáu en forma de contratu de promoción turística. Tamién cunta con sofitu pa les sos conexones con Andalucía (Granada, Málaga, Sevilla y Xerez), anque’l de la xerezana llega dende la Diputación de Cádiz, asina como pa les internacionales.
🌏El Gobiernu d’Asturies sigue trabayando pa esplegar la so Estratexa de Conectividad Aérea pa captar nueves oportunidaes de desenvolvimientu y conectividad nacional y internacional.
