Educación empieza güei una campaña pa incentivar la matriculación d’estudiantes en llingua asturiana y n’eonaviegu.
- La novedá ye que va desenvolvese en dos foles coincidiendo colos periodos de solicitú de plaza y de la matrícula mesma.
- Educación va repartir tamién nos centros d’enseñanza folletos desplegables, cartelos y marcapáxines-calendariu.
- L’asignatura d’asturianu rexistró un repunte de 822 matrícules esti cursu.
- Nota de prensa (pdf)
- Apúntome. Carteles y redes sociales (pdf)
APÚNTOME
Conocer les llingües d’Asturies ye un derechu que tienen tolos alumnos y alumnes de los centros del Principáu. Amás, conocer el nuestru patrimoniu llingüísticu tien munches ventayes pal so desenvolvimientu personal y académicu. Escuéyi asturianu nel to centru pal cursu que vien.
Solicitú Na to escuela, al echar la solicitú del cursu que vien, busca Lengua Asturiana y márcala. Repara bien nes feches:Primaria: 19 al 26 de xunu
¿Fai falta un mínimu d’alumnáu pa formar grupu? Non. Si quieres, puedes. L’estudiu del asturianu ye voluntariu pero pa los centros ye obligao ufiertalo. Al ser un derechu reconocíu nel Estatutu d’Autonomía, l’enseñu nun se pue negar en nengún casu.
Si nun lo di n’años anteriores, ¿pueo apuntame pa esti cursu? Sí, puedes facelo perfectamente. A lo primero del cursu, el profesor o profesora va mirar por que teas en condiciones d’aprovechar el cursu. L’asturianu, al ser una llingua ambiental y cercana al castellán, ye una llingua onde se garra competencia comunicativa mui rápido ¡y seguro que sabes más asturianu de lo que pienses!
