El Tiempu n’Asturies./A les 8:30h d’esti sábadu alborecemos col cielu nuboso ya con unes temperatures que tan alrodiu de los 13ºC, rexistrándose nel puirtu payares 3ºC. Güei vamos tener el cielu nuboso con delles precipitaciones febles ya ocasionales en xeneral , intensificándose al finar el día con unes temperatures en llixeru ascensu ya col aire de componente sur que va soplar selemente. #ElTiempo #AEMET #España #Borrasca #Tormentas
- Mañana domingu alboreceremos con escasa nubosidá pero con vientu gallegu fuerte que dirá emburriando intervalos nubosos durante’l día, principalmente a la metá ocidental d’Asturies con unes temperatures en descensu.
- El llunes aumentará la nubosidá pa dexanos el cielu nuble a partir del mediudía con un descensu de les temperatures tantu de les másimes como de les mínimes, amás l’aire amenorgará pa quedar sele ya variable.
- El martes la llegada d’una borrasca al Cantábrico va provocar que mos cruce un frente asociáu a élla, barriendo Asturies con precipitaciones d’oesta a este a partir del mediudía que sedrán de nieve, na cordelera, perriba de los 1600m. con un descensu de les temperatures.
- El miércoles vamos tener xarabatos pero por mor de la componente del vientu nun sedrán nin frecuentes, nin intensos, eso sí la cota de nieve baxará a los 1000m con un nuevu descensu de les temperatures. L’aire sedrá gallegu y soplará con fuercia nes zones altes ya en puntos del llitoral.