Los embalses asturianos tán al 47% de la so capacidá. La escasez hídrica n’ochobre ye moderada.
La reserva hídrica d’Asturies asítiase esta selmana al 47% de la so capacidá, según datos del Ministeriu de Transición Ecolóxica. Cai un 10% respecto al payares pasáu. Nos embalses qu’abastecen la zona central, valores asemeyaos a va un añu. Los Alfilorios al 31%, Rusecu ente’l 70 y el 90% y Tañes ente’l 49 y el 55%. Contrasta, sicasí, si miramos 10 años atrás, cuando tenía’l 75%.
Otra seronda, la cola de Tañes dexa ver construcciones antigües, como la ponte de Coballes enantes de la construcción del banzáu, o la del pantalán na zona de navegación.
El mapa d’escasez de la Confederación Hidrográfica d’ochobre reflexa la zona Nalón-Villaviciosa n’escasez moderada. Esti nivel nun implica restricciones, pero sí midíes preventives. Na estaya oriental y occidental tán en situación de normalidá.
