Publicado en Ciencia

Falemos de la Escala de Tiempu Xeolóxicu.

La escala de tiempu xeolóxicu ye’l marcu de referencia para representar los eventos de la Hestoria de la Tierra y de la vida ordenaos cronolóxicamente. Establez divisiones y subdivisiones de les roques según la so edá relativa y del tiempu absolutu trescurríu dende la formación de la Tierra hasta l’actualidá. (Wiki / imáxenes…)

La inmensa hestoria de la Tierra ta estremada n’enormes segmentos llamaos Yeres. Nesti gráficu (cortesía de Ray Troll) indícase va cuánto tiempu asocedieron, en millones d’años.

✅ Les principales yeres para los seres vivos son la Paleozoica o «vida antigua», la Mesozoica o «vida entemedia» y la Cenozoica «o vida recién.

✅ Les eres estremense en periodos. Por casu, la era Mesozoica ta formada polos periodos Triásicu, Xurásicu y Cretácicu.

✅ Cada periodu nómase por dalguna característica de les roques que se formaron n’ese entós. Por casu, el nome Xurásicu provien de los montes Xura, parte de los Alpes Europeos.

✅ L’últimu periodu, el Cuaternariu, toma los postreros 2.6 millones d’años. Inclúi’l grupu más recién de glaciaciones; la postrera algamó’l so puntu más fríu fai solo 21,000 años.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *