Publicado en Biblioteques, Curiosidaes

Innovador y brillosu proyectu: «La biblioteca humana»

En Dinamarca, hai biblioteques onde puede pidise emprestada a una persona en llugar d’un llibru para escuchar la hestoria de la so vida mientres 30 minutos. L’oxetivu ye lluchar contra los prexuicios. Cada persona tien un títulu: «paráu», «abelugáu» (refugiado), «bipolar», etc. – pero al escuchar la so hestoria, te das cuenta de lo muncho que nun tienes de xulgar un llibru pola so portada». Esti innovador y brillosu proyectu ta activu en más de 50 países. Llámase «La biblioteca humana».

¿y si eses lletres, eses palabres ya idees entestaes nun llibru, tresformense n’una persona real, como pudiera ser la persona que les escribe o inclusive la protagonista de la trama? D’eso precisamente traten les biblioteques humanes. Ellí camúdase llectura pol diálogu para lluchar contra prexuicios y estereotipos.

El so orixe atópase en The Human Library Organization, una organización ensin ánimu d’arriquecimientu qu’acueye conversaciones ente persones pa desafiar al estigma de los estereotipos. https://humanlibrary.org/

Nacíes nel añu 2000 en Dinamarca, les biblioteques humanes atópense presentes cada vez en más países.

Les biblioteques humanes dexen un aprendizaxe y un diálogu ente persones: xuna que sabe y quier esplicar, y otra que quier aprender. ¿Y lo meyor? Les temes que s’enceten siempres tán rellacionaos cola amenaza d’esclusión social y cómo tratar d’evitalo.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *