Publicado en Asturies, Turismu

Asomamos a unu de los miradores más guapos d’Asturies

A unos 1.100 metros sobro’l nivel del mar, el Mirador del Fitu escribise con mayúscules; ye unu d’esos escasos llugares que dexa xuna visión espectacular de 360º.

 

Al nuesu algame más de 100 kilómetros de mariña acantilada y sableres, y otros tantos de monte: la Reserva Natural de Sueve, el Parque Natural de Ponga y el Parque Nacional de los Picos d’Europa. D’Este a Oeste alcontramos les villes de Ribesella, Caravia, Colunga y Villaviciosa (nos díes más claros puede llegase a ver Xixón). Al Sur, paraxes de Parres, Cangues d’Onís y Cuadonga.

El términu Fito (Fitu) quiciabes venga de afitáu (jito), por ser un llugar de camín y puntu xeográficu onde coinciden dellos territorios. Nel so día, trescurrió por equí xuna antigua calzada romana. El mirador en sí ye xuna especie de platillu volante, suspendíu unos metros sobro’l suelu, que paez esplegar xuna escalera pa triar tierra.

Los paisanos conócenlu como’l cazu, pola so forma de taza. Inaugurose en 1927 cola idea de que los turistes pudieren algamar la meyor esperiencia visual ensin árboles pel mediu, y la so construcción foi un exemplu de collaboración ciudadana.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *