Publicado en Música

Muerre’l músicu Franco Battiato

El compositor sicilianu camudó la música n’Italia con discos como ‘La voce del padrone’, rompiendo les cordures que xuníen hasta entós l’alta y la baxa cultura.

El mio maestru enseñóme lo difícil que ye alcontrar l’amanecer na escuridá

/

El compositor Franco Battiato finó na so casa de Milo, un pequenu pueblu de Sicilia, a los 76 años. Músicu, escritor, guionista de documentales y tamién pintor sol seudónimu de Suphan Barzani, l’artista llevaba años sumíu de la escena pública aquexáu d’una enfermedá que la so redolada nunca quixo desvelar. Ganárase’l derechu a vivir en silenciu los últimos años de la so vida, arrodiáu de los sos llibros y amigos, a despidise tranquilamente na so casa, nun paisaxe de lava volcánica na falda del Etna, tres una carrera musical que camudó los patrones de la música italiana y que rompió eses cafiantes cordures que s’empeñen en dixebrar l’alta y la baxa cultura. Dempués d’una vida buscando un centru de gravedá permanente, ese va ser agora l’únicu consuelu de la so lexón de siguidores, pue que a la fin atopen.

Battiato fixo de too na música y siempres de manera distinta a los demás. Trunfó nel pop, ganó un San Remo, cantó n’Eurovisión en 1984 y creó un soníu (30 discos d’estudiu) que venía de la música esperimental y l’improvisación a base de sintetizadores y toa suerte de cacharrería electrónica qu’hasta entós solo viérase na música de vanguardia.

«Ironía, sabiduría, intelixencia infinita, xeniu. Te vamos estrañar enforma maestru pero’l to arte va permanecer para siempres» (Eros Ramazzotti)

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *