Publicado en Biblioteques, Curiosidaes

La biblioteca circulante de Castropol cumple 100 años convertida nel centru social de la so contorna

La biblioteca circulante de Castropol, n’Asturies, ye un espaciu de referencia na contorna onde s’atopa. Dende 1922 lleva averando la lliteratura a tolos habitantes de la zona y Manuela, la so bibliotecaria, cunta la hestoria a Antena 3 Noticies.

Nun resulta senciellu atopar n’España una biblioteca como la de Castropol. Esta pequena localidá asturiana tien menos de 4.000 habitantes pero l’actividá d’esti centru ye tal que recibe usuarios de tola contorna. Y asina lleva siendo dende 1922.

A puntu de cumplir 100 años güei conocemos la Biblioteca Popular Circulante de Castropol. Nel corazón d’esti Conceyu d’Asturies, Manoli ábrenos les sos puertes d’un espaciu qu’amás de llibros atropa hestoria. Trayectoria.

«Al mi gústame llamalo´l milagru de Castropol«, diz arguyosa, y nun ye para menos. Foi un pequenu grupu d’universitarios el que la creo nos años 20. «Ellos yeren conscientes de la importancia d’averar los llibros a la población», y teníen que faelo lliteralmente. «Nun había los medios qu’hai anguaño asina qu’utilizaben burros y mules para llegar a toles parroquies».

Manoli guarda con ciñu les fotografíes d’aquel momentu, «y lo que más impresiona ye la sorrisa de los neños cuando-yos lleguen los llibros». Ende, nes nueves xeneraciones, ye onde se sigue poniendo tol esfuerzu. «Faemos actividaes para los más pequenos, inclusive de 0 a 3 años, entá nun lleen pero yá toquen los llibros y encántalos». El so oxetivu ye fomentar l’amor pola lliteratura dende’l principiu.

Y consigguenlo. Dende’l principiu y a toles edaes. Cunten Marta y Carmen, dos de les usuaries. Aseguren que gran parte del ésitu del centru ye precisamente gracies a Manoli, «a los clubes de llectura son una maravía, vien xente inclusive d’Uviéu».

Una biblioteca convertida nun centru social nel qu’amás de lleer y esfrutar de los llibros, realícense conferencies, talleres y actividaes de too tipu. «Emponemos por dos pilastres que nos acompañaron a lo llargo de too esti tiempu, tradición ya innovación».

Una tradición inmeyorable grabada a fueu nesi espíritu circulante qu’en pocos llugares vivióse como en Castropol. Y una innovación que dexa siguir llegando a cada rincón de la contorna al traviés, yá non de pollinos y mules, si non de les redes sociales y les actividaes.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *