Publicado en TIEMPU

Lluna llena de Llobu: 28 de xineru

 Lluna Llena de Llobu del 2021

Qué ye la Lluna de Llobu, por qué se llama asina y tolos detalles sobro esti eventu astronómicu de 2021…

El 2021 abrió’l calendariu astronómicu con fuerza. Fai xunas selmanes pudimos apreciar la hipnotizante agua d’estrelles Cuadrántidas, xuna de les más brilloses de too l’añu con 40 meteoros per hora. Pero los eventos astronómicos apenes tán empezando y la Lluna Llena de Llobu… El cielu nocherniegu d’esti 28 de xineru, va allantar a los sos observadores cola Lluna Llena de Llobu del 2021. Conoz qué ye y por qué se-y noma d’esta forma.

La lluna llena ye un fenómenu astronómicu tamién conocíu como plenilluniu y produzse cuando’l nuesu planeta asítiase esactamente ente Sol y la Lluna. Gracies a que la Tierra atópase asitiada xusto ente l’astru mayor del Sistema Solar y la Lluna, esta postrera alluma al cientu per cientu.
La fase llena de la lluna ye un eventu importante cada mes, yá que ye visible mientres tola nueche en que se produz. Desque’l nuesu satélite natural remanez nel horizonte hasta la salida del Sol, l´orbe totalmente allumáu ye visible travesando pola eclíptica d’este a oeste.

Llámase Lluna de Llobu a la primer lluna llena del mes de xineru. En realidá’l so nome deriva d’un heriedu que nos mandaron los nativos americanos. Como tribu antigua, taben fuertemente conectaos cola naturaleza y los sucesos qu’asoceden nella yeren parte de les sos lleendes ya identidá.

Xineru ye la reafirmación del iviernu, un mes onde’l fríu intensifícase y los llobos salen a cazar. Los llobos axuntense en menaes, agullaben con fuerza y el retumbar de les sos cantaraes llobiegues llegaba hasta les aldegues indies. Por esta razón, les tribus americanes denominaron a la lluna llena de xineru como Lluna de Llobu.

La Lluna de Llobu de 2021 va ser visible’l día 28 de xineru. El nuesu satélite natural va tar allugada nel llau opuestu de la Tierra como del Sol y la so cara va tar dafechu allumada en fase llena.

Pa reparala solo precises mirar escontra la bóveda celeste xusto al atapecer en dirección escontra l’este. El sol va escondese a les 18:27 CST y xusto cuando la nueche caya, la lluna va remanecer cola so cara totalmente allumada y vas poder vela na so máxima rellumanza.

Si deseyes llevar la esperiencia a otru nivel, unos binoculares van ayudar a visualizar los cráteres bien definíos de la nuesa duce Selene. Sicasí, esto nun ye necesariu p’apreciala, yá que va tar bastante definida y allumada énte los tos güeyos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *