Publicado en TIEMPU

Estáu del tiempu: martes 3 d´agostu

Bonos díes, bona xente.
Alborecemos con nubosidá rota ya con unes temperatures que tan alrodiu de los 15ºC, rexistrándose nel puirtu Payares 9,5ºC.
Güei vamos tener una mañana seliquina con nubes ya claros, amás les temperatures van tender a subir. Pela tarde va dir aumentando la nubosidá cola llegada d’un frente que mos dexará precipitaciones moderaes y xeneralizaes al finar el día cola posibilidá de que tengan calter tormentosu. L’aire sele en xeneral , aumentando al final en zones altes de montaña.

El miércoles entovía alboreceremos con dalguna precipitación pero con tendencia a remitir y abrise dellos claros con unes temperatures másimes en llixeru descensu ya col aire sele ya variable nel llanu y de componente suroeste en zones altes onde va soplar moderadamente.
El xueves lo más destacáu sedrá l’ascensu les temperatures y los prósimos díes, sobre too’l sábadu tará dalgo inestable, anque sin malpenes precipitaciones pero esto yá lu diremos viendo.  El frente que mos entrá mañana a última hora cuando va tar más activu sedrá durante’l riscar del miércoles.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *