Publicado en NATURA

Apaez un misteriosu pexe lluna xigante de 45 quilos nes sableres d´Oregon

Con forma de platu, el pexe lluna ye una especie estraña que casi nunca apaez nes mariñes y puede midir hasta dos metros y pesar hasta 270 quilos.

D’escames opalescentes y con pocu más de 45 quilos, los pexes ‘opah’ colúmbrense raramente barganal de les mariñes. Sicasí, un grupu de persones atoparon un exemplar ensin vida nes mariñes d´Oregon, n’Estaos Xuníos.

En forma d’un platu llano y recubierto de piel en tonalidaes metáliques de rosácees, trátase d’una especie d’agües fondes. Por esta razón, les autoridaes locales sosprendese de qu’un pexe lluna llancara/encallara d’esta manera na mariña oeste de los Estaos Xuníos.

Les especies de pez lluna comparten la característica común de tener escames resplandorientes. Dalgunos en tonos plateados, otros n’azul y unos cuantos en rosa, particularmente na zona abdominal y nes aletes más grandes. Daes les sos dimensiones y pesu considerables, en dellos países d’Asia utiliza la so carne para cocinar platillos de luxu.

Esti tipu d’afayos costeros son desaxeradamente raros. Tantu asina, que’l casu del exemplar atopáu n’Estaos Xuníos llamó l’atención del Seaside Aquarium, yá que nun s’había avistáu unu dende 2009. Ello ye que el pexe atopáu n´Oregon ye unu pequeñu a comparanza colos sos pares en mar abiertu, que pueden pesar hasta 270 quilos y midir hasta dos metros de llargu.

Anque nun esiste muncha información sobro estes criatures marines, sábese que la so alimentación ta basada en krill y calamares menores. Atopen el so hábitat natural n’agües templaes, como les mariñes californianes y d´Hawaii, pero columbráronse en llatitúes más al norte. Entá asina, nun ye xuna especie que se caracterice por rondar la mariña.

Selmanes antes del avistamientu del pexe lluna, una fola de calor estremo azotó les agües d’América del Norte. Aprosimao mil millones d’organismos marinos cociéronse vivos nel mar. Esti exemplar podría ser una víctima más d’esta cifra monstruosa. D’otra manera, aseguraron los científicos, fuera «virtualmente imposible» qu’un animal asina apaeciera nes mariñes d´Oregon.

Heidi Dewar, bióloga pesquera de la NOAA esplica que les migraciones escontra’l norte son cada vez más frecuentes ente los pexes. «Tamos viendo dellos organismos marinos que se mueven escontra’l norte a midida que aumenten les temperatures del océanu», esplica la esperta a The Washington Post.

Anque inda nun esiste información que rellacione directamente’l varamientu d’estes especies cola crisis climática global, l’aumentu nes temperatures de los océanos sí ye una causante importante na mortalidá de la biodiversidá marina. Mentanto, el cadabre del opah foi treslladáu a un llaboratoriu pa observación más fonda. Según l’acuariu, podría ser que nunca más s’atope un exemplar intactu ensin vida nes sableres d´Oregon —o ési ye’l so meyor deséu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *