Publicado en Festival gastronómicu

Fiestes gastronómiques «Cebolles rellenes» en Samartín del Rei Aurelio

Samartín del Rei Aurelio va celebrar les Fiestes Gastronómiques de les Cebolles Rellenes, declaraes d’Interés Turísticu pol Principáu d’Asturies, del 26 al 30 payares, n’una ventena de chigres, sidreríes y restoranes de la localidá y contorna.

La hostelería local va ufiertar na xinta y la cena’l tradicional menú compuestu poles clásiques cebolles rellenes de bonitu, ración de callos y casadielles, regáu con vinu o sidra. El menú completu, incluyendo la bébora, bazcuya ente los 25 y los 27 euros, ente que la ración individual de cebolles ronda los 14 euros; dependiendo de cada establecimientu.

El vienres 26 va tener llugar el pregón, a les 19 hores, nel Teatru Municipal, al cargu de Marcos Torre, director del “Coru San Andrés Sergio Domingo”, en representación de l’agrupación coral que va recibir como distinción la Insinia de Plata de les Cebolles en reconocencia al so llabor como embaxadores culturales de San Martín y pol so compromisu cola actividá sociocultural nel conceyu.

Nel mesmu actu, l’Apurro Activu va apurrir el galardón ‘La Cebolla d’Oru” a los alumnos de sestu d’Educación Primaria del colexu La Sagrada Familia mientres el cursu 2020-2021 pola so campaña solidaria “Compra nel pueblín, ayuda al vecín”, de sofitu al sector comercial pola crisis de la pandemia.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *