Publicado en Concursu, Menús

«Cuando creza gustaríame ser chef»

«Gústame más obedecer que ser capitán y mandar»

Cuando creza, amás de chef, gustaría-y ser pilotu de Fórmula 1 o futbolista, yá que-y apasiona’l deporte. Si finalmente decántase pol fútbol, el so suañu ye xugar nel Sporting de Xixón.

«Encantóme la esperiencia»

Nun pudo ser. Gonzalo, l’aspirante xixonés quedóse a les puertes de la final. El pequeñu, de 10 años, tuvo una nueche dura, con unes complicaes pruebes y cola so espulsión mientres la semifinal. Eso sí, tantu él como la so compañera Alexia, la otra aspirante esaniciada nel programa del pasáu llunes, demostraron tener una gran pasión pola cocina.

Na primer prueba de la nueche, Gonzalo tuvo que realizar una tarta de quesu na que tenía qu’incorporar aceite d’oliva. El xixonés confesó que la so madre y otros familiares enseñáron-y la receta. «Va por ellos», dixo. Pero la ellaboración nun-y terminó de salir. El postre nun acababa de cuayar y dempués de dellos intentos, escosóse-y el tiempu.

El so afandu creció a la de presenta-y el postre a los xueces. «Non quería presentavos esa porquería», reconocía Gonzalo énte Samantha, Pepe y Jordi. Foi esti postreru’l que trató d’animar al pequeñu. «Dicir eso ye ser demasiáu esixente contigo mesmu. Espera que te deamos valoración», encamentó-y el chef. «Ta bien, pero podía tar meyor. Son nervios», amestaba más tarde Pepe.

Gonzalo, canteranu del Sporting, reconoció ser bien esixente consigo mesmu. «Soi bien estrictu dende pequeñu, piensu que nun puedo nun fallar nunca», asumía.

Tres esta primer fase, llegó la prueba d’esteriores. Pa ello, el programa moviose a unu de les paraxes más guapes del país: el Llagu de Sanabria. Ellí, los pequeños chefs tuvieron qu’ellaborar complicaos platos con productos zamoranos como protagonistes. Pa ello, Gonzalo y Alexia, los aspirantes que menos puntos recibieron, tuvieron qu’asumir les capitaníes de los sos respectivos equipos.

L’equipu conformáu por Gonzalo, Ariel y Guillem viaxó a la Edá Media pa cocinar un menú al traviés de técniques ya instrumentos de la dómina. Pela so parte, Alexia, Carla y Olivia usaron cocines y parrilles solares coles mires de protexer el mediu ambiente. Mientres el cocináu visitáron-yos los chefs Pedro Mario y Óscar Pérez, del restorán L’Ermitañu, en Benavente.


«El mio platu favoritu ye’l cachopu»

Solo tien 10 años, pero Gonzalo Cifuentes (Xixón, abril de 2011) yá apunta maneres en cocina. L’aspirante asturianu  estudia 5º de Primaria nel Colexu Inglés d’Asturies y protexe la portería del Sporting de Xixón, el so equipu dende va dos años. La próxima selmana, nel ‘talent’ de La 1, va cocinar na escuela de tenis onde se formó’l so paisanu Pablo Carreño.

-¿Quién te enseñó a cocinar?

-La mio madre, siempres que podemos practicamos xuntos en casa.

-¿Y cuándo se convirtió n’afición?

-La verdá ye qu’empezó viendo ‘MasterChef’ cola mio familia, que encantanos a toos.

-¿Quién te animó a participar nel concursu?, ¿tuvisti en dalgún de los sos campamentos de branu?

-La mio madre, anque tampoco fixo falta qu’aportunara enforma. Non, nun fui a nengún campamentu, pero gustaríame.

-Amás del pollu al curry, ¿cuálos son los tos platos favoritos y cuál te gusta cocinar?

-El mio platu favoritu ye’l cachopu, y tamién me gusta enforma probar comíes de distintos países. Para cocinar quedo col tartar, sobremanera el de salmón, y esfruto faciendo unes bones carrilleres.

-¿Cuálos son los tos puntos débiles de cara al concursu?

-Equí entramos nel mundu del pexe… cuéstame abondo desespinar sobremanera los de roca, que tienen muncho escayu.

-¿Qué retos te marca ‘MasterChef’?

-El principal ye poder controlar los nervios y la presión mientres los cocinaos. Y seguro que va ser un retu superame prueba a prueba.

-¿Te preparasti muncho primero d’entrar nes cocines?

-Sí, mientres los distintos castings qu’hai que superar hasta consiguir la cuyar, aproveché para ver vídeos de la Escuela MasterChef y practicar dellos platos.

-¿Cómo te visti nel primer programa?

-Nun pensaba que diba tar tan nerviosu al tener que cocinar ende… y asina foi la primer prueba, con un puntu nel marcador. Depués yá foi meyor; na d’esteriores consiguimos sacar los dos platos anque con retrasu. La meyor parte foi’l ‘foso’, na que, anque nun atinara esactamente cuál yera’l platu que tenía de copiar, el sabor y la presentación nun fallaron. Los xueces y Juanma [Castañal] dixéronme que tuvo xenial.

-Xixón tienmunchos campeones de ‘Masterchef’, Juanma ente ellos. ¿Cuál ye’l to favoritu?

-Solo pudi falar con Juanma  mientres la última prueba del primer programa. A Saúl vi-y dalguna vegada pol parque al llau de la mio casa, pero nun falé con él. Ente ellos dos, la verdá, ye que nun sabría decidime porque dambos paécenme bien grandes. Tienen un gran carisma y punxéron-y muncho esfuerzu.

-La to otra pasión ye’l fútbol. ¿Cuántos años lleves xugando?

-Seis años. El mio primer equipu foi’l Jesús Uribe, en Viesques y va dos años -meyor dichu, unu, porque mientres la pandemia nun pudimos entrenar-, empecé a xugar col Sporting.

-¿Qué te fadría más ilusión: ganar ‘MasterChef’ o que’l Sporting xubiera a Primer?

-Viendo cómo vamos na Lliga anguaño… ¡prefiero ganar MasterChef, que ye una vegada na vida!

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *