Publicado en NATURA

Les mosques y los mosquitos son más intelixentes qu’un superordenador

Los diminutos insectos tienen alredor de 200.000 neurones y pueden realizar múltiples xeres al unísonu. Mosques y mosquitos disponen de celebros simples pero eficientes: llogren desenvolver más procesos qu’un superordenador.

Una nueva investigación realizada por científicos de Johns Hopkins Medicine confirma que les mosques de la fruta y los mosquitos son muncho más «intelixentes» de lo pensao hasta güei: en promediu, los pequenos insectos cunten con alredor de 200.000 neurones y otres célules cerebrales. Esta carga neuronal déxa-yos realizar múltiples procesos, inclusive más qu’un superordenador.

Anque los sos celebros son simples en comparanza colos de los mamíferos, son capaces de treslladase, atopar comida y realizar otres xeres complicaes coles mesmes. Según una nota de prensa, los investigadores realizaron el recuentu de les neurones nos celebros de la mosca de la fruta y de trés especies de mosquitos. La nueva investigación foi publicada na revista Plos One.

Distintes especies d’insectos son utilizaes como modelos para investigar los mecanismos celulares y moleculares que faen posible qu’un celebru controle comportamientos sofisticaos. Concretamente, el sistema nerviosu de la mosca de la fruta (Drosophila melanogaster) foi llargamente analizáu por investigadores de too el mundu con esti propósitu.

A pesar d’esto, los investigadores a cargu del nuevu estudiu afayaron que nun esistíen trabayos previos y esperimentos destinaos a determinar el númberu de neurones que tien el celebru de la mosca de la fruta. Más allá del datu numbéricu, la información ye vital porque marca una referencia sobro la cantidá mínima de célules cerebrales que probablemente se riquen pa llevar alantre comportamientos complexos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *