El Día Mundial de la Diabetes ye un día de campaña de concienciación sobro la diabetes y tien llugar cada añu’l 14 de payares. Más de 60 países xúnense a esta campaña y llogróse que distintos monumentos nel mundu, sían allumaos d’azul nesta fecha en señal d’esperanza pa les persones que viven con esti carecimientu y por quien tienen el riesgu de desenvolvelo.
Foi instauráu en 1991 pola Federación Internacional de Diabetes (FID) y l’Organización Mundial de la Salú (OMS) como respuesta a l’alza de diagnósticos d’esta enfermedá y el so oxetivu ye educar sobro la prevención de la diabetes y el bon manexu de la mesma, según les enfermedaes rellacionaes con ella y la calidá de vida que puede llograse col so bon manexu.
Escoyóse esta fecha por ser el natalicio de Frederick Grant Banting, quien xuntu a Charres Best afayó la insulina, que’l so descubrimientu dexó que la diabetes pasara de ser una enfermedá mortal a una enfermedá controlable.