Hai un día dedicáu a promover y celebrar l’amabilidá, dende’l 13 de payares de 1998 esta xornada ye una escusa perfecta para ser conscientes de cómo estos pequenos actos son importantes. El Día Mundial de l’Amabilidá o la Bondá tien como oxetivu destacar les bones acciones na comunidá, centrándose nel poder positivo y el filo común de la bondá que nos xune.
Una xornada para intentar sentinos bien, pero sobremanera, para contribuyir a que los demás sían felices y provoca-yos una sorrisa.
Esti día recuérdanos la importancia de ser atentes coles demás persones, esto nun cuesta y puede allegra-y a daquién el día con una simple sorrisa o con un comentariu prestosu que puede marcar la diferencia.
Día Internacional de l’Amabilidá. L’amabilidá non solo fai felices a quien la reciben, tamién a quien la practicamos. Cuando somos atentos, sentímonos meyor y ameyoramos les nueses relaciones contribuyendo a una sociedá más solidaria. Pero, ¿qué podemos faer pa promover l’amabilidá na nuesa vida cotidiana? Por casu, promocionando en redes sociales eventos en comunidá y siendo un fiel exemplu d’esti valor. Esto nun tendría de ser cosa d’una vegada al añu, sinón practicalo tolos díes faciendo pequenos xestos.
Pequenos actos d’amabilidá
Con nós y nós mesmos:
Tomanos un tiempu para relaxanos y folgar.
Realizar actividaes que nos faigan sentir bien.
Curiar de nuesa salú física y emocional.
Esfrutar de los pequenos detalles y momentos de felicidá.
Coles demás persones:
Escuchar viviegamente y amosar interés nes coses que-yos gusten.
Amosar gratitú poles coses que faen y pola so compañía.
Brindar sofitu
Respetar y empatizar.
Faer por estes persones actos de bondá ensin pidir nada a cambéu.
Cola comunidá:
Participar n’actividaes comuñales y voluntaries.
Amosar respetu a toles persones de la comunidá.
Contribuyir siempres que se pueda ensin pidir nada a cambéu.
Cola naturaleza:
Amenorgar el consumu de recursos naturales, como l’agua y l’enerxía.
Reciclar y reutilizar materiales siempres que sía posible.
Llantar árboles y/o curiar de les plantes na nuesa redolada.
Evitar l’usu de productos químicos dañibles para’l mediu ambiente.
Concenciase sobro la importancia del caltenimientu de la naturaleza y compartir esa conocencia con otres persones.
L’amabilidá nun ye cosa d’un día, son detalles que tendríen de tar na nuesa vida cotidiana y que crean muncho impactu pa faer d’esti mundu un llugar meyor.
