Publicado en Día de...

30 Payares: Día de l´Acuicutura

acuicultura ye’l sector de producción d’alimentos que más creció nos últimos años.  Ye l’actividá que se centra na crianza d’especies acuátiques vexetales y animales. Ye una forma de producir alimentos, materies primes para usu industrial y farmacéuticu y organismos vivos para la repoblación u ornamentación. Los cultivos más habituales son algues, moluscos y crustáceos.

Tenemos d´apostar por una acuicultura sostenible que contribuya a la protección de la redolada y al desenvolvimientu social y económico de los llugares onde se desenvuelve.

Los cultivos más habituales son algues, moluscos y crustáceos. Ente los profesionales encargaos d’esti llabor tán los inxenieros agrónomos (zootecnia) y los biólogos marinos. L´acuicultura llega a España en 1866, añu nel que se crea’l Llaboratoriu Ictiolóxicu de La Granxa del Real Sitiu de San Ildefonso y apaez la primer piscifactoría de trucha nel Monesteriu de Piedra (Aragón), pero fueron les families chines les que fai unos 4.000 mil años empezaron a cultivar peces n’estanques.

L´acuicultura supon, a nivel mundial, la metá de la producción de pexe que consumimos. N’España, unu de los mayores consumidores de pexe nel mundu, la cifra asítiase en redol al 25%. Amás, el nuesu país caracterízase por ser unu de los países con una mayor diversidá acuícola, cultivándose en redol a 40 especies d´acuicultura marina y continental.

La mayoría de la producción destínase a fines comerciales y a l’alimentación, pero tamién se cultiva con fines ambientales, especialmente pal caltenimientu d’especies.

 

Autor:

Maestra de Llingua Asturiana Colexu Carmen Ruiz-Tilve - Uviéu