Publicado en Cursos Llingua Asturiana, XDLA

Cursu básicu de llingua on line

La Xunta pola Defensa de la Llingua Asturiana entama un cursu básicu de llingua asturiana on line, pa persones adultes, de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral.

  • Les clases van escomenzar el llunes 12 d’abril.
  • El preciu de la matrícula completa ye de 30 euros.
  • Pa inscribise nun fai falta tener nenguna titulación o profesión concreta.
  • Toles  persones interesaes puen apuntase mandando un mail a la dirección info@exunta.org.
  • El plazu finaliza’l vienres 9 d’abril.
  • El cursu fina´l 11 de mayu de 2021.
  • Van ser cinco hores a la selmana, cuatro d’exercicios y teoría, con un horariu llibre, tando la entrega de los exercicios determinada nuna fecha concreta y una hora de tutoría virtual obligatoria, que va ser los llunes 12, 19 Y 26 d’abril y 3 de mayu n’horariu de 20:00 a 21:00.
  • Habrá más sesiones virtuales non obligatories, que marcará’l profesoráu.
Al finalizar el cursu danse dos certificaos: ún d’aprovechamientu que lu espide la XDLA y que reciben toles persones qu’asistieron al cursu y realizaron les xeres propuestes pol profesoráu. L’otru certificáu dalu la Conseyería, pero esti ye más restrictivu: les persones que lu soliciten tienen que ser profesoráu n’activo.
Hai que recordar que la Conseyería d’Educación reconoz a la Xunta pola Defensa de la Llingua Asturiana como entidá organizadora d’actividaes de formación permanente del profesoráu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *