Dientro poco, llega la Selmana de les Lletres Asturianes. Pa poner el ramu, vamos sacar a la cai les lletres poles que llevamos 40 años manifestándonos. Son diez: O-F-I-C-I-A-L-I-D-Á. Nin mañana, nin pasao, nin pal añu que vien, nin pal otru: los derechos nun s’aplacen «sine die». Y nós nun vamos quedar en casa aguardando: OFICIALIDÁ YÁ. OFICIALIDÁ XÁ.
Nel Día de la Llingua Materna convién nun escaecer que pa que les llingües propies d’Asturies sigan siendo maternes tien qu’haber tresmisión xeneracional. Pa eso, ye imprescindible -y inaplazable- un marcu d’oficialidá que favoreza qu’asturianu y gallego-asturianu vivan munches xeneraciones más.
/
Sigue leyendo «Movilización pola Oficialidá de les llingües d’Asturies»
‘Los Picapiedra’ falaron gallegu, catalán y vascu, pero la TPA nun-yos dexa falar n’asturianu.
Queremos ver a Astérix falando n’asturianu en TPA!
A pesar de que’l Día de les Lletres Asturianes quedó aplazáu hasta la seronda pola crisis sanitaria pol Covid-19, la XDLA va siguir cola reivindicación lingüística. La organización cívica va llevar la reclamación de la oficialidá de la cai a les redes sociales con delles iniciatives pa que la xente d’Asturies dexe claru’l compromisu col futuru de la llingua asturiana.
La primer iniciativa va llevase alantre a lo llargo de tola selmana y consiste en que les persones usuaries de les redes sociales xuban semeyes onde se pueda
ver la so participación en dalguna manifestación del día de les Lletres d’años anteriores. Hashtags #YoTuvi #SemeyaMani.
