A pesar de que’l Día de les Lletres Asturianes quedó aplazáu hasta la seronda pola crisis sanitaria pol Covid-19, la XDLA va siguir cola reivindicación lingüística. La organización cívica va llevar la reclamación de la oficialidá de la cai a les redes sociales con delles iniciatives pa que la xente d’Asturies dexe claru’l compromisu col futuru de la llingua asturiana.
La primer iniciativa va llevase alantre a lo llargo de tola selmana y consiste en que les persones usuaries de les redes sociales xuban semeyes onde se pueda
ver la so participación en dalguna manifestación del día de les Lletres d’años anteriores. Hashtags #YoTuvi #SemeyaMani.
Otra manera, el vienres 8 de mayu va entamar una campaña en Twitter pa que tolos asturianos tuitien frases sobre la oficialidá, la llingua asturiana o la falta
d’un marcu llegal afayadizu pal nuestru idioma. Too eso va facese a partir de les 19.00 hores col hashtag #Oficialidá.
El vienres 8 de mayu celébrase’l XLI Día de les Lletres Asturianes, cita que de manera oficial s’aplazó esti añu a la seronda por cuenta de la crisis sanitaria provocada pola pandemia de COVID-19.
“Xuntos vamos algamalo” ye’l mensaxe del gaiteru
Bras Rodrigo nun videu onde interpreta l’himnu
d’Asturies.
Con esti trabayu pretende unviar un menxase d’ánimu a toles asturianes y asturianos nestos momentos complicaos por cuenta del COVID-19.