Publicado en Día de...

Día Mundial de les Aves Migratories

#DíaMundialDeLasAvesMigratorias
#WMBD2020

 &

La Península Ibérica ye un llugar de camín y residencia temporal para munches aves migratories 🦆 Les güelgues españoles conviértense  n’auténtiques estaciones de serviciu para los millones d’aves que sobrevuelen el nuesu país.

El nuesu país ye un enclave perfecto y esencial para les sos rutes, yá que tamos xustu como puntu d’intersección ente Europa y África. Xuna situación privilexada que tenemos de curiar con percuru. Ello ye que vienen munchos especialistes internacionales n’ornitoloxía a cubrir eses rutes que pasen per España.D’ende, la importancia de les zones ZEPA nel nuesu territoriu, Zones d’Especial Protección pa les Aves, de la Rede Natura 2000. Castiella y Llión, Andalucía y Castiella La Mancha, son, por esti orde, les comunidaes españoles con más hectárees destinaes a ello.

El Día Mundial de les Aves Migratories 2020 celébrase’l 9 de mayu, teniendo anguaño como lema «Les aves conecten el nuesu mundu». Atopamos nun momentu nel que ye fundamental caltener los nuesos ecosistemes, esos llugares que los sirven d’espaciu para alimentase, tener descendencia, folgar del vuelu y envernar.

Les aves migratories precisen siguir colos sos ciclos naturales, y l’única forma de podelos llevar a cabu ye caltener n’equilibriu la redolada natural, la so supervivencia depende d’ello. Estos animales saben cuando ye’l momentu de realizar migración y el ritmu en cada etapa que tienen de llevar. Inda los humanos nun supimos cuándo se deciden a faelo y por qué, unu d’esos misterios que de xuru nun lleguemos a afayar.

En principiu, lo que se sabe ye que se realicen de forma estacional, para dir a llugares más templaos o más fríos, dependiendo de la temporada (anque delles especies yá nun lo faen, quedándose na zona del mar Mediterráneu). Emponiéndose, suponse, pel campu magnéticu de la tierra, la orientación del sol o de les estrelles. Nunca lo sabremos…

Autor:

Maestra de Llingua Asturiana Colexu Carmen Ruiz-Tilve - Uviéu