Publicado en NATURA

Les abeyes usen los hongos como medicina

Les abeyes usen los hongos como medicina (y esto podría evitar la so estinción).

Esti instintu nes abeyes foi estudiáu por un espertu n’hongos, que cree poder salvar a estos nobles polinizadores. Les abeyes, que non yá son seres con una serie de comportamientos fascinantes, sinón  qu’inclusive podríen atopar la manera de refugar la estinción a la cual tan conduciendose dende principios d’esti sieglu.

 

Les colonies d’abeyes tán esperimentando lo que los espertos llamaron un colapsu”, esto ye: les abeyes tán morriendo de manera masiva, lo cual provoca’l colapsu de les sos complexes comunidaes. Esto obedez
a una serie de razones qu’investigadores como’l mexicanu E. Guzmán-Novoa dedicáronse a develar.

L’usu masivu de pesticidas tóxicos –por casu, los de Monsanto– ye la principal causa detrás del colapsu de les colonies d’abeyes. Pero non solamente: la contaminación del aire enzánca-yos alcontrar les flores, y el cambéu climáticu ta tresmanando los ciclos naturales. Sicasí, agora lo fundamental ye curar a les abeyes de los virus que les invaden, mientres se pon en marcha l’usu de pesticidas alternativos.


Nun estudiu recién, publicáu na revista Nature probó con dos grupos d’abeyes. El primer grupu foi alimentáu con xarabe d’azucre entemecíu con un estractu del miceliu fúngico –una serie de filamentos presentes nos cuerpos del hongu–. Esti grupu desenvolvió defenses contra dos virus comunes que tán causando’l colapsu. El segundu grupu, al cual namá alimentose col xarabe d’azucre, resultó más propensu a contraer dambos virus.

En 1984, el micólogu, escritor y activista Paul Stamets notó que les abeyes nel so patiu alimentábense de los hongos qu’usaba para les sos investigaciones, y creyó que lo faíen polos azucres naturales presentes nos hongos. Descubrió que son un gran antiviral…

Les abeyes conducieron al descubrimientu del primer antiviral para insectos. Con un pocu de la nuesa ayuda, esto podría evitar la so estinción.

Ver artículu. 

Autor:

Maestra de Llingua Asturiana Colexu Carmen Ruiz-Tilve - Uviéu