L’Anuariu de la Música Asturiana llega un añu más fiel a la so cita per estes feches y failo con un repasu fondu a lo que dio de sí’l pasáu 2023. Como de costume les temátiques céntrense n’estilos como la música tradicional, el folk, el rock o la canción d’autor, con secciones qu’inclúin reportaxes, informes, entrevistes, crítiques, opinión, recoyida de material o anuncies.
Categoría: Musicasturiana.com
Mapi Quintana publica’l videu de “A vivir a la montaña”
- Fonte: MusicAsturiana.com
El 30 de xunu asoleyaron Música pa tornar páxaros y La Maramoniz, los dos trabayos nuevos de Mapi Quintana dempués de 9 años. Pasín a pasu, l’artista l.leniza va llanzando per per YouTube los distintos videos qu’acompañen a caúna de les canciones que formen l’espectáculu de Música pa tornar páxaros. “La carta“, “Agarráu de María y Lucero” y “Más vieya que la fame” foron los videos que yá publicó.
Agora asolela “A vivir a la montaña”, pieza fecha, como toles demás, pola realizadora catalana Marina Durany.
Música pa tornar páxaros nació como obra escénica en 2022. Esi añu el Festival Intercélticu de Lorient -el más prestoxisu del mundu celta- dedicó la so edición a Asturies y el gobiernu asturianu encargó a Mapi Quintana la obra inaugural del festival. Asina nacieron estos 7 temes nos qu’hai influencies del jazz, la música impresionista y la tradicional asturiana. Una delicia pa los oyíos que va directamente al corazón, porque la emotividá enllena les lletres. Nelles fálase de memoria histórica, de persones queríes que yá nun tán equí… siempre col telón de fondu de Saíle, esi paxarín que fai alcordanza d’Elías García, compañeru musical de Quintana -y ún de los nomes más importantes del folk asturianu- que finó prematuramente en 2019.
Sigue leyendo «Mapi Quintana publica’l videu de “A vivir a la montaña”»
XV Premiu Camaretá al Meyor Cantar 2023
- Teatru La Llaboral, Xixón /
- XV Premiu Camaretá al Meyor Cantar
El Teatru de la Llaboral va acoyer el domingu 12 de payares la decimoquinta edición del Premiu Camaretá al Meyor Cantar. El xuráu, formáu por especialistes en música y llingua asturiana, decida’l cantar ganador. Na gala tamién va dar un conciertu’l grupu Algaire, ganadores de la edición anterior d’esti premiu col tema Coral y maera.
L’Anuariu de la Música Asturiana
Entama a distribuyise y asoleya online l’Anuariu de la Música Asturiana, publicación editada por Goxe Producciones dende va 22 años, qu’inclúi un CD y que pue consiguise de baldre en ventiséis llocales de catorce conceyos.
«Celtrónica»: la música celta del sieglu XXI
Asturtralla llanza “Oficialidá”
- MúsicAsturiana: Asturtralla llanza “Oficialidá”, l’adelantu del so primer discu
Asturtralla ye ún de los primeros grupos qu’hubo de punk-rock n’asturianu.
La Banda Sonora de Ruma Barbero
- Fonte: MúsicAsturiana.com
-
Sienti la playlist La Banda Sonora de Ruma Barbero
Con él contimuamos la estaya “La Banda Sonora De…“, una serie d’entrevistes de personalidá acompañaes d’una playlist de Spotify na que cada persona entrevista escueye los 20 cantares que más-y presten. Gracies a Muel de Dios por cedenos la semeya.
José Manuel Tejedor fala del discu ‘Miraes’ p’Amosando
La música del Camín de Santiagu
Interesante artículu de Xune Elipe (músicu y autor del llibru “Hai una llínia trazada. Historia de la música asturiana”. Imáxen
A lo llargo de la historia tiense presentáu a Asturies como un país aisláu, enzarráu en si mesmu, ensin conexón col esterior; pero nada más lloñe de la realidá. Yá dende’l mesmu Reinu d’Asturies -organizáu como un estáu independiente per dos sieglos- les rellaciones esteriores foron una constante, unviando embaxadores a la corte de Carlomagno y faciendo del Atlánticu una vía de comunicación de primer nivel. La «creación» del Camín de Santiagu pol rei asturianu Alfonsu II nel sieglu IX vieno a afitar y enanchar eses conexones, posibilitando intercambios y influyencies sociales, humanes, culturales y musicales ente esta tierra y el restu del mundu conocíu.
Música asturiana: TOP 2020
VENTES FÍSIQUES En 2020 musicasturiana.com vendió más de 500 CDs
Milenta gracies a tola xente que siguís mercando música en formatu físicu
⬇ Éstos son los discos más vendíos:
1️⃣ Llan de Cubel ‘La Lluz Encesa’
2️⃣ Caldo y Os Rabizos ‘A Música Tradicional del Eo-Navia’
3️⃣ Lucas15 ‘Lucas 15’
4️⃣@lrpostfolk – ‘post-folk-asturianu’
5️⃣@quesada_silvia ‘Prefiero Ver Llover’
6️⃣@cerezalfolk ‘La Cereza’l Cielu’
7️⃣@felpeyuoficial ‘Cerquina’
8️⃣@josem.tejedor ‘Miraes’
9️⃣@evatejedor__lespandereteres ‘L’Entamu’
🔟@amtmuyeres ‘Humanes’
1️⃣ Llan de Cubel ‘La Lluz Encesa’
2️⃣ Caldo y Os Rabizos ‘A Música Tradicional del Eo-Navia’
3️⃣ Lucas15 ‘Lucas 15’
4️⃣@lrpostfolk – ‘post-folk-asturianu’
5️⃣@quesada_silvia ‘Prefiero Ver Llover’
6️⃣@cerezalfolk ‘La Cereza’l Cielu’
7️⃣@felpeyuoficial ‘Cerquina’
8️⃣@josem.tejedor ‘Miraes’
9️⃣@evatejedor__lespandereteres ‘L’Entamu’
🔟@amtmuyeres ‘Humanes’