Musicasturiana.com / Yá ta en YouTube’l videoclip de ‘SALGUERINAS’ de Marisa Valle Roso. Esta pieza navidiega realizada por Sara Castaño y Made by kös ye la sesta obra audiovisual que l’artista llangreana asoleya esti añu. Instagram
Tres del estrenu hai unes selmanes en toles plataformes musicales, yá pue vese en YouTube’l videoclip de ‘SALGUERINAS‘ de Marisa Valle Roso.
Ye un villancicu n’asturianu y n’acústicu n’homenaxe a una de les tradiciones asturianes con más personalidá; la de las Salguerinas de Piarnu (Castrillón). La obra audiovisual ta dirixida, grabada y montada por Sara Castaño y Constantino Menéndez (Made by kös).
Cola publicación d’esti videoclip l’artista llangreana zarra un añu nel qu’asoleyó otros cuatro videoclips: ‘El tren de la libertad‘, ‘Cenicientes del carbón‘, ‘La manzana‘ y ‘La tormenta‘, amás del lyric video de ‘La carbonera‘. Ye una amuesa de la importancia del formatu audiovisual pa promocionar la música y del bon llabor que ta desendolcando Marisa Valle Roso nesti sen, al publicar obres mui cuidaes.
