La responsable de tola estaya audiovisual foi Lía Lugilde, directora de cortos como «Los trazos que quedan de ti» o «Saltar», ente otros. Yá ta en YouTube’l videu resume del IV Semando Fest que yá pue vese na canal de YouTube del Musicasturiana.com.
Grabáu y realizáu audiovisualmente Por Lía Lugilde (Xixón, 1994) ye una esbilla de los preparativos y pruebes de soníu, de les actuaciones musicales de Lucía Rojo y Fruela 757, Entós, Rellume y PVXARRA, y de la emoción y diversión d’un públicu qu’enllenó la sala Lata de Zinc na cuarta edición del festival de música moza n’asturianu y que destacó por haber muncha mas mocedá qu n’ediciones anteriores.
Héroes ensin nome fueron los organizadores del Semando Fest que subvencionó la Conseyería de Cultura, Política Llingüística y Deporte, patrocinó Caja Rural de Asturias, Conseyu de la Mocedá del Principáu d’Asturies y Conseyu de la Mocedá d’Uviéu; y que cuntó cola collaboración de Sierra Graphics, Lía Lugilde y Puru Remangu.
