Tou forma parte d’un plan escurríu por Bizum: la campaña Númberos qu’Importen.
Bizum lleva tiempu incorporando a los sos funcionalidaes la donación al traviés de distintos códigos de cinco númberos por que quien lo deseye pueda faelo al traviés de Bizum y destinalo a distintes ONG y organismos sociales. Pero había un problema: poques persones conocíen esa posibilidá. ¿Cómo dar a conocer esta opción ente los millones d’usuarios de la plataforma de pagu? Nada meyor que recurrir al arte.
Siete artistes gráficos diseñaron ocho creatividaes que xueguen con esos númberos y que tán inspiraes en siete entidaes sociales. La octava nun ye un organismu concretu, sinón que s’optó por un númberu xenéricu que representa a dellos colectivos y organizaciones qu’ufierten ayuda humanitaria en momentos críticos y d’emerxencia qu’afecten a la población.
Bizum quería da-yos cabida na campaña y fíxolo de manera simbólica con cinco ceros. D’ende, de cero, ye d’onde tienen que partir quien lo perdieron tou. Entra en bizum.es y conoz a qué númberos puedes unviar el to donativo.
L’únicu briefing era que cada propuesta tuviera venceyada conceptualmente a la entidá asignada y al so propósitu.
Cuatro d’esos artistes fueron los encargaos de desenvolver cuatro portaes distintos para Yorokobu. Sí, lleísti bien, cuatro. Cuál tengas nes tos manos va depender del azar. Estos son los siete artistes y les entidaes pa les que trabayaron.
