Publicado en Día de...

Les dunes d’El Espartal, monumentu natural n´Asturies

La estaya de la llingua y el conceyu d’Avilés úfrennos esti documental sobre les dunes de L’Espartal pa conmemorar el día de la tierra que se celebra güei.

El 22 d’abril, el Día Internacional de la Madre Tierra, va poder conocese un poco meyor un espaciu emblemáticu de la redolada d’Avilés, como son les dunes de L’Espartal, l’espaciu dunar más llargu d’Asturies.

Declaráu Monumentu Natural, ta pente la ría y Salinas, nun espaciu d’unos tres quilómetros de llargo. Magar de que ye una zona mui castigada pol usu intensivu d’actividaes industriales, portuaries y residenciales, caltién una bayura especies de plantes.

Les dunes del Espartal tán asitiaes na sablera de Salinas y fueron declaraes monumentu natural nel añu 2006. Quepe destacar que nesti sistema dunar viven les especies de nardo marín y espigadilla de mar que tán incluyíes nel Catálogu Rexonal d’Especies Amenaciaes de la Flora Asturiana.

Esti increíble espaciu alcontrase ente la ría d’Avilés y Salinas (conceyu de Castrillón) dientro d’un conxuntu con un llargor de 3 kilómetros con accesu dende San Xuan de Nieva y dende el pueblu de Salinas. Ensin dulda, tas énte un espaciu de gran guapura paisaxística y que’l so valor ecolóxicu ye bien eleváu, cuidao que la fauna y vexetación son únicos na Europa atlántica.

Puede dicise que la sablera ye semiurbana y de bon accesu, con sable doráu y bien favorez pa realizar actividaes como’l bañu o’l surf. Si te gusta’l senderismo o esfrutar del paisaxe, vamos ufiertate de siguío delles rutes d’interés poles dunes d’El Espartal.

1. Sienda Pasio de Salines-dunes d’El Espartal-San JXuan de Nieva

Dende Arnao pela carretera y dende Salinas, si vas andando, puedes xubir pela zona de Pinos Altos, un escelente mirador pa contemplar la redolada costera: les dunes d’El Espartal, la sablera de Salinas, el cabu de Peñes, etc. En Peñona, puedes afayar l’increíble Muséu d’Ancles de Phillippe Cousteau que ta dedicáu al mar y la vida marina. Puedes partir del muséu y percorrer la estensa sablera de Salinas formada por finu sable dorada onde puede practicase el surf.

2. Ruta San JXuan de Nieva-dunes d’El Espartal-Pinos Altos-Arnao

Puede partise dende la sablera d’El Espartal, onde hai un puntu de partida con un panel que nos empobina ya informa pa empezar la marcha por una sienda guapa, y depués dirixinos al propiu arenal d’El Espartal. Podemos faer el percorríu por unes pontes y pasareles de madera hasta enllazar cola sablera de Salinas.

Al altor del Balneariu de Salinas , xírase a la izquierda y crúciase la carretera asfaltada pa enfusanos nun senderu en pindiu y con múltiples revueltes, onde hai un área recreativa. Darréu, empecipiamos el descensu escontra Arnao, cruciamos la carretera de nuevu y enfusamos nel pobláu que se traviesa en dirección a la sablera d´Arnao, pa rematar la etapa costera.

3. Ruta circular Salines-dunes d’El Espartal-Ribera Raíz-Muséu d’Ancles

Puede aparcase el coche abargana del muriu del paséu marítimu hasta dirixinos a les dunes pola pasarela de madera elevao que percuerre esti enclave natural. Tenemos De percorrer unos metros sobro l’asfaltu ente industries y cruciar la vía del tren pa llegar al río Raigaños. Una vegada traviésase este, vamos a callar Príncipe d’Asturies pa dirixinos al Muséu d’Ancles Philippe Cousteau.

Darréu, volvemos pela avenida Juan Sitges y percorremos el paséu marítimu pa esfrutar del oral marín y el mar. Xuna guapa ruta que nos amuesa un prestosu y entrañable paisaxe.

Anguaño, el sistema dunar del Espartal presenta un gordón d’hasta quince metros d’altor tres el que s’asitia un estensu campu dunar. Estes dunes de color blancu ocupen la gran totalidá del primer gordón dunar que se vio remocicáu pola reactivación del sistema. De siguío, detallámosvos los sos principales característiques:

Especies característiques del sistema dunar. Ente les especies más característiques de la duna blanca apaez el barrón, la correhuela de les dunes, l´Aetheorthiza bulbosa ya inclusive el nardo marítimu, xuna especie incluyida nel Catálogu Rexonal de Flora Amenaciada d’Asturies so la categoría d’interés especial.

Tamién cabo resaltar qu’esisten comunidaes arbustivas mesmes de la trasduna como’l yérbadu (Arbutus unedo), el laural (Laurus nobilis) y el aligrustre (Ligustrum Vulgare), principalmente. Entá persisten retazos de l´espigadilla del mar (Crucianella maritima), xuna especie sensible a l’alteración del so hábitat y que se presenta en bien poques localidaes.

Color de contrastes: dunes blanques y grises. L´industrialización con construcción d’empreses importantes y la crecedera urbanística dexó un tamañu bastante amenorgáu que presenta dos zones bien estremaes: xuna onde predominen les dunes blanques qu’algamen hasta 15 metros d’altu ,y l’otra, na que’l restu de la zona dunar caracterizase pol color gris.

Esti espaciu forma parte de la Rede Natura 2000, dientro d’una Zona Especial de Protección p’Aves de máximu interés pa toos aquellos que sían apasionaos d’esti guapu mundu de les aves.

A última hora, les dunes del Espartal son xuna escelente opción pa esfrutar en vacaciones o faer una escapada mientres la fin de selmana, porque nos ufierten un paisaxe único y espectacular pa esfrutar y folgar.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *