Alborecemos con cirroestratos nel cielu ya con unes temperatures que tan alrodiu de los 11ºC, rexistrándose nel puirtu Payares 4,9ºC.
Güei durante la mañana van dir dixebrándose los cirroestratos de la alborada pa quedar el cielu poco nuboso o escampláu, amás l’aire sedrá sele ya variable y les temperatures másimes subirán llixeramente a pesar de la llume del sol.
Mañana domingu vamos tener dalgo de nubosidá baxa durante’l riscar, pa dir dixebrándose na alborada y quedar el cielu poco nuboso o escampláu durante’l día, amás les temperatures másimes van subir bultablemente, dexándonos una sensación braniega.
El llunes va tar poco nuboso pela mañana aumentando les nubes pela tarde hasta dexar el cielu nuble con unes temperatures que camudarán poco o baxarán llixeramente y el martes tendremos nubosidá variable y escases posibilidaes d’agua.
